Upplýsingar 16. apríl 2020
16.04.2020
Kæru félagar.
Margir velta nú fyrir sér hvaða rými verður til æfinga og keppni í sundi nú þegar að ljóst er að fyrstu skref í afléttingu samkomubanns verða ekki tekin fyrr en 4. maí næstkomandi.
Sundsambandið sendi beiðni um undanþágu til ÍSÍ um leið og ljóst var að við stæðum frammi fyrir enn lengri bið þar til laugarnar verða opnaðar á ný.
Með undanþágubeiðni SSÍ fyrir sundæfingar fylgdu upplýsingar um ýmsar leiðir sem sambandið telur mögulegt að fara, enda þyrftu æfingar að vera háðar ákveðnum skilyrðum.
Formaður og framkvæmdastjóri SSÍ áttu fyrr í dag fjarfund með Víði Reynissyni yfirlögregluþjóni hjá ríkislögreglustjóra ásamt forsvarsmönnum annara sérsambanda varðandi næstu skref. Að mati SSÍ gekk sá fundur vel enda teljum við að það ætti að vera auðvelt að hafa sundæfingar og gæta um leið að sóttvörnum. Beðið er eftir svari frá stjórnvöldum, en mikill skilningur var til staðar gagnvart sundíþróttinni og greinilegt að öll viljum við hugsa í lausnum.
Við vonum að málin skýrist í næstu viku en SSÍ leggur sem fyrr mikla áherslu á góða samvinnu við ÍSÍ og yfirvöld í þessu máli.
Stjórn SSÍ hefur útfært hugsanlegt mótahald, þó endanleg ávörðun sé háð því hvaða svör berast. Ljóst er að bæði ÍM50 og AMÍ munu fara fram á næstu mánuðum, en nánari tímasetningar er ekki hægt að veita að svo stöddu. Sundmenn þurfa að geta æft í tiltekinn tíma eftir afléttingu samkomubanns áður en keppni getur farið fram og við munum gæta að því.
Stjórn SSÍ vill enn og aftur þakka ykkur öllum í sundhreyfingunni fyrir fagmennsku og gott samstarf á þessum erfiðu tímum, sem vonandi verða brátt á enda.
Að lokum bendum við á að í dag er 16. apríl og því eru ennþá tvær vikur þangað til að samkomubanni verður aflétt í nokkrum skrefum.
Höldum áfram að fylgja fyrirmælum og vanda okkur.
Til baka
Margir velta nú fyrir sér hvaða rými verður til æfinga og keppni í sundi nú þegar að ljóst er að fyrstu skref í afléttingu samkomubanns verða ekki tekin fyrr en 4. maí næstkomandi.
Sundsambandið sendi beiðni um undanþágu til ÍSÍ um leið og ljóst var að við stæðum frammi fyrir enn lengri bið þar til laugarnar verða opnaðar á ný.
Með undanþágubeiðni SSÍ fyrir sundæfingar fylgdu upplýsingar um ýmsar leiðir sem sambandið telur mögulegt að fara, enda þyrftu æfingar að vera háðar ákveðnum skilyrðum.
Formaður og framkvæmdastjóri SSÍ áttu fyrr í dag fjarfund með Víði Reynissyni yfirlögregluþjóni hjá ríkislögreglustjóra ásamt forsvarsmönnum annara sérsambanda varðandi næstu skref. Að mati SSÍ gekk sá fundur vel enda teljum við að það ætti að vera auðvelt að hafa sundæfingar og gæta um leið að sóttvörnum. Beðið er eftir svari frá stjórnvöldum, en mikill skilningur var til staðar gagnvart sundíþróttinni og greinilegt að öll viljum við hugsa í lausnum.
Við vonum að málin skýrist í næstu viku en SSÍ leggur sem fyrr mikla áherslu á góða samvinnu við ÍSÍ og yfirvöld í þessu máli.
Stjórn SSÍ hefur útfært hugsanlegt mótahald, þó endanleg ávörðun sé háð því hvaða svör berast. Ljóst er að bæði ÍM50 og AMÍ munu fara fram á næstu mánuðum, en nánari tímasetningar er ekki hægt að veita að svo stöddu. Sundmenn þurfa að geta æft í tiltekinn tíma eftir afléttingu samkomubanns áður en keppni getur farið fram og við munum gæta að því.
Stjórn SSÍ vill enn og aftur þakka ykkur öllum í sundhreyfingunni fyrir fagmennsku og gott samstarf á þessum erfiðu tímum, sem vonandi verða brátt á enda.
Að lokum bendum við á að í dag er 16. apríl og því eru ennþá tvær vikur þangað til að samkomubanni verður aflétt í nokkrum skrefum.
Höldum áfram að fylgja fyrirmælum og vanda okkur.
